Ханиа санахуй...

Өнөөдөр мартын наймны урд өдөр
Өргөн Монголд бүсгүй хүн бүхэн хүлээж байгаа
Маргааш мартын найман
Мандах нарнаас эхлээд жаргах нар хүртэл
Магадагүй маргааш өглөө болтол нь
Дуу хуур, инээд хөөр, дарс шарз болох
Дулаан сэтгэл, халуун яриа, элгэмсэг учрал үргэлжлэх
Ингэлээ гээд яах ч билээ
Энгэсэг оо түрхээд яах ч билээ
Амьд цэцгээр шөл уулгаад ч яах вэ
Амьдрал өөрөө алаг эрээн болохоор
Алсдаа нэг л гунигтай
Ханиа хараад өрөвдөх шиг болно
Хажууд нь сууж байгаа л аз жаргал гэлтэй
Дэргэд дэргэдээ хань болсон өдөр хоногууд л
Дээд тэнгэрийн доор хамгийн их баяр баясгалан юм даа